Think Tank Gym: ад думкі да публічнай пазіцыі

Антон Раднянкоў

17 лістапада, 19:30

Мапа кампетэнцый: як стаць паспяховым у грамадскім полі

Уводны занятак пра тое, што значыць быць паспяховым у грамадзянска-палітычнай і аналітычнай сферах.

Абмяркуем:

• з якіх ведаў, навыкаў і асабістых якасцей складаецца прафесійны профіль;

• як ацаніць уласныя моцныя бакі і зоны развіцця;

• як выбудоўваць індывідуальную адукацыйную і кар’ерную траекторыю;

• як звязаць навучанне, прафесійныя мэты і каштоўнасці.

Юрый Дракахруст

19 лістапада, 19:30

Факты vs. меркаванні: як думаць крытычна

Занятак пра працу з інфармацыяй і складанымі грамадска-палітичнымі пытаннямі.

Разгледзім:

• як адрозніваць факты, меркаванні і інтэрпрэтацыі;

• як правяраць аргументы і крыніцы;

• як распазнаваць лагічныя памылкі і кагнітыўныя скажэнні;

• як фармуляваць уласную пазіцыю і абгрунтоўваць яе;

• як працаваць з нявызначанасцю і рознымі пунктамі гледжання.

Практыкум: пасля занятку ўдзельнікі напішуць кароткае эсэ і атрымаюць персанальную зваротную сувязь ад Юрыя Дракахруста.

Рыгор Астапеня

24 лістапада, 19:30

На парадку дня: пра што варта пісаць сёння і як знайсці ўласны ракурс

Занятак дапаможа арыентавацца ў сучасным міжнародным парадку дня і вызначаць тэмы, якія патрабуюць глыбокага аналізу.

Абмяркуем:

• якія тэмы і працэсы сёння фарміруюць міжнародны парадак дня;

• якія з іх асабліва важныя для разумення сучаснай Беларусі і яе будучыні;

• як адрозніць доўгатэрміновую тэндэнцыю ад кароткачасовага інфармацыйнага шуму;

• як зразумець, што пытанне сапраўды важнае і патрабуе дадатковага вывучэння;

• як ацаніць арыгінальнасць, аналітычны і медыйны патэнцыял будучага матэрыялу;

• што робіць аналітычны матэрыял цікавым для журналістаў і чаму адны тэксты перадрукоўваюць дзясяткі медыя, а іншыя застаюцца незаўважанымі.

Джэймс Ніксі

25 лістапада, 19:30

Фармат і структура: як ператварыць думку ў тэкст

Разгледзім:

• чым аналітычны тэкст адрозніваецца ад навіны, калонкі, эсэ і даследавання;

• як сфармуляваць галоўнае пытанне і асноўную тэзу;

• як выбудаваць структуру і логіку аргументацыі;

• як працаваць з фактамі, прыкладамі і высновамі;

• як пісаць аналітычныя тэксты па-англійску і што неабходна ўлічваць пры працы на міжнародную аўдыторыю.

Вольга Лойка

30 лістапада, 19:30

Уласны стыль: як пісаць ясна і пазнавальна

У праграме:

• што такое стыль і як ён уплывае на ўспрыманне тэксту;

• якой павінна быць мова аналітычнага матэрыялу;

• як пазбягаць канцылярызмаў, штампаў і непатрэбнай складанасці;

• як знайсці ўласны аўтарскі голас;

• як сумясціць індывідуальны стыль з патрабаваннямі аналітычнага фармату.

2 снежня, 19:30

Галоўнае паведамленне: як падрыхтавацца да выступлення ў медыя

Тэмы занятку:

• як рыхтавацца да эфіру, каментара або публічнага выступлення;

• як вызначыць асноўнае паведамленне — key message;

• як улічваць аўдыторыю і фармат медыя;

• як адказваць на складаныя або нечаканыя пытанні;

• як кантраляваць хваляванне, тэмп, інтанацыю і мову цела;

• якія тыповыя памылкі робяць эксперты і эксперткі падчас выступленняў.

7 снежня, 19:30

Як вытрымаць вострае інтэрв’ю: практыкуемся ў жывым сімулятары

Практычны занятак у фармаце інтэнсіўнага экспертнага інтэрв’ю — своеасаблівай «пражаркі».

Удзельнікі і ўдзельніцы змогуць:

• выступіць у ролі запрошанага эксперта ці эксперткі;

• патрэніравацца адказваць на вострыя пытанні;

• навучыцца трымаць асноўную лінію размовы;

• атрымаць практычную зваротную сувязь;

• лепш зразумець уласныя моцныя бакі і камунікацыйныя рызыкі.

10 снежня, 19:30

Публічны вобраз: будуем экспертную ролю і давер

Асноўныя пытанні:

• з чаго складаецца публічны і прафесійны вобраз;

• як вызначыць уласнае экспертнае пазіцыянаванне;

• як суадносіць публічную ролю, асабістыя каштоўнасці і прафесійныя мэты;

• як падтрымліваць паслядоўнасць камунікацыі на розных пляцоўках;

• як працаваць з рэпутацыяй і публічнай крытыкай;

• дзе праходзіць мяжа паміж экспертнай і асабістай камунікацыяй.

Выпускнікі і выпускніцы папярэдніх праграм Кампуса палітычнай навукі, якія ўжо будуюць свае міжнародныя кар'еры

14 снежня, 19:30

Куды рухацца далей: будуем асабістую траекторыю

Заключны анлайн-занятак у рэфлексіўным фармаце, прысвечаны аналізу пройдзенага шляху і планаванню далейшага прафесійнага развіцця.

18-20 снежня

Афлайн-частка з адабранымі ўдзельніцамі і ўдзельнікамі