Акадэмія беларускай дыпламатыі

Рыгор Астапеня,
Павел Мацукевіч,
Дар'я Урбан,
Аляксей Юсупаў

13 красавіка (панядзелак), 18:30–20:30

Уводзіны ў аналіз знешняй палітыкі і рэгіянальнай бяспекі / Знаёмства з праграмай, удзельніцамі і ўдзельнікамі

Рыгор Астапеня

15 красавіка (серада), 18:30–20:30

Суб’ект, буфер ці рызыка? Ролі Беларусі ў рэгіянальнай бяспецы

Падчас лекцыі разбяромся, якое месца займае Беларусь ў архітэктуры рэгіянальнай бяспекі і якія месцы займала ці можа займаць. Асобная ўвага будзе нададзена ролі Беларусі ў расійска-украінскай вайне.

20 красавіка (панядзелак), 18:30–20:30

Беларусь як ваенны плацдарм: што гэта значыць для рэгіёна

У працэсе лекцыі высветлім, якое ваеннае значэнне Беларусь мае ў сучасным рэгіянальным кантэксце і чаму яе тэрыторыя, інфраструктура і стратэгічнае размяшчэнне разглядаюцца як важны фактар бяспекі ва Усходняй Еўропе.

* лекцыя пройдзе на англійскай мове

22 красавіка (серада), 18:30–20:30

Як свет бачыць Беларусь сёння: дыскусія з міжнароднымі эксперткамі і экспертамі

Нефармальная дыскусія з замежнымі эксперткамі і экспертамі пра тое, як Беларусь успрымаецца ў кантэксце рэгіянальнай бяспекі. У цэнтры размовы – рэгіянальныя перспектывы, ключавыя чаканні і асцярогі з боку знешніх актараў, а таксама тое, якое месца Беларусі адводзіцца ў сучаснай геапалітычнай і бяспекавай канфігурацыі.

*сустрэча адбудзецца на англійскай мове

Дар’я Урбан

29 красавіка (серада), 18:30–20:30

Ад пытання да размовы: як праводзіць экспертныя інтэрв’ю (частка 1)

Практычны варкшоп, які пазнаёміць удзельніц і ўдзельнікаў з логікай паўструктураванага экспертнага глыбіннага інтэрв’ю як аднаго з асноўных інструментаў якаснага даследавання. Падчас сустрэчы будзе разгледжана, як фармуляваць даследчыя пытанні, вызначаць структуру размовы і рыхтавацца да кантакту з эксперткамі і экспертамі.

Рыгор Астапеня

4 траўня (панядзелак), 18:30–20:30

Эвалюцыя і сучасны стан беларуска-расійскіх адносін

Падчас сустрэчы разгледзім, як фарміравалася залежнасць Беларусі ад Расіі, праз якія механізмы яна замацоўваецца і як гэтая залежнасць уплывае на ролю Беларусі ў рэгіянальнай бяспецы. 

Андрэй Бушыла

6 траўня (серада), 18:30–20:30

Заходні кірунак у знешняй палітыцы Беларусі

Прасочым, як змяняліся адносіны Беларусі з ЕС, ЗША і заходнімі інстытутамі. Вы зразумееце, якія інтарэсы і каштоўнасныя ўстаноўкі вызначаюць гэтыя стасункі.

Павел Мацукевіч

11 траўня (панядзелак), 18:30–20:30

Кітай і «далёкая дуга» ў беларускай знешняй палітыцы

Разбяромся, як Беларусь выбудоўвае адносіны з Кітаем і шырэйшым кірункам «далёкай дугі» ў знешняй палітыцы. Вы зразумееце, як Беларусь спрабуе дыверсіфікаваць свае знешнія сувязі па-за Расіяй і Захадам, якія магчымасці адкрывае гэты вектар і якія абмежаванні ён мае.

13 траўня (серада), 18:30–20:30

Ядзернае вымярэнне рэгіянальнай бяспекі

Разгледзім, як працуе логіка ядзернага стрымлівання і як яна ўплывае на міжнародныя адносіны. Зразумееце, як фармуюцца рызыкі эскалацыі і ўяўленні пра стратэгічную стабільнасць.

*лекцыя пройдзе на англійскай мове

18 траўня (панядзелак), 18:30–20:30

Нябачны фронт: кібербяспека ў новай архітэктуры рэгіянальнай бяспекі

Высветлім, як лічбавыя пагрозы і кібератакі ўплываюць на сітуацыю ў рэгіёне. Зразумееце, як уразлівасці інфраструктуры і кіберрызыкі становяцца часткай сучасных канфліктаў.

*лекцыя пройдзе на англійскай мове

Рыгор Астапеня

20 траўня (серада), 18:30–20:30

Рэальныя і ўяўныя пагрозы: як іх адрозніць

Практычны варкшоп, на якім будзем працаваць з кейсамі і вучыцца аналізаваць пагрозы ў рэгіянальнай бяспецы. Вы навучыцеся адрозніваць сапраўдныя рызыкі ад перабольшаных і аргументаваць свае высновы.

Павел Мацукевіч

25 траўня (панядзелак), 18:30–20:30

Беларускі дыпламатычны пратакол: сустрэчы, перапіска, правілы

Разбяромся ў правілах і логіцы дыпламатычнага пратаколу як важнай часткі міжнароднай і прафесійнай камунікацыі. Даведаецеся, як працуюць нормы афіцыйнага ўзаемадзеяння, што стаіць за пратакольнымі формамі і чаму яны маюць значэнне ў дыпламатычнай і публічнай практыцы.

Дар’я Урбан

27 траўня (серада), 18:30–20:30

Як зрабіць інтэрв’ю мацнейшым: праца над памылкамі (частка 2)

Практычны варкшоп, на якім прааналізуем ваш першы досвед правядзення паўструктураваных экспертных інтэрв’ю і разбяром тыповыя памылкі. Вы навучыцеся лепш фармуляваць пытанні, кіраваць размовай і атрымліваць больш змястоўныя адказы.

Валянціна Чэкан

1 чэрвеня (панядзелак), 18:30–20:30

Публічныя выступы: як гаварыць упэўнена і па сутнасці

На майстар-класе разбярэмся ў асновах публічных выступаў: як рыхтавацца да розных фарматаў – ад кароткага каментара і панэльнай дыскусіі да прэзентацыі ці мадэраванай размовы. Зразумееце, як будаваць выступ, адаптаваць змест пад аўдыторыю і фармат, а таксама як працаваць з хваляваннем, рытмам і ўласнай прысутнасцю.

Рыгор Астапеня

3 чэрвеня (серада), 18:30–20:30

Дыскусія: Якім мае быць геапалітычны выбар Беларусі?

Разам абмяркуем, якое месца Беларусь можа займаць у сучаснай геапалітычнай і бяспекавай сістэме. Вы сфармулюеце ўласную пазіцыю і аргументы адносна знешнепалітычнай канфігурацыі нашай краіны.